Ўзбекистонда Энергетика ҳафталиги

Ўзбекистонда Энергетика ҳафталиги

       Тошкентда 13-15 май кунлари «Ўзбекистон энергетика ҳафталиги – 2025» тадбирлари ўтказилмоқда.  Энергетика ҳафталиги доирасида ўтказилаётган форум 650 тадан ортиқ компания ва брендларни, асосий мавзулар бўйича 90 нафардан ортиқ маърузачиларни, 32 тадан ортиқ давлатдан 1100 та делегат ва 3400 нафардан ортиқ иштирокчиларни жамлади.

       Жумладан, «Ўзбекистон нефть ва гази – OGU 2025» 27-халқаро кўргазма ва конференцияси, «Энергетика, энергия тежаш, атом энергетикаси, муқобил энергия манбалари – Power Uzbekistan 2025» 18-халқаро кўргазмаси, «Марказий Осиёнинг яшил ва энергия тежовчи технологиялари — GETCA» ихтисослаштирилган бўлими 5-халқаро энергетика конференцияси, шунингдек, халқаро ҳамкорлар билан бир қатор учрашувлар бўлиб ўтмоқда.

       Шунингдек кўргазма анжуманлари доирасида хорижий ва маҳаллий компаниялар, халқаро экспертлар ҳамжамияти ҳамда оммавий ахборот воситалари вакиллари иштирокида соҳага оид долзарб мавзулар юзасидан қатор халқаро кўргазма ҳамда конференциялар ташкил этилган.