Тошкент метрополитенининг "Ер усти ҳалқа йўли” тўлиқ тикланди

Тошкент метрополитенининг "Ер усти ҳалқа йўли” тўлиқ тикланди

        Тошкент метрополитенининг «Ўзбекистон мустақиллигининг 30 йиллиги» — халқ орасида «Ерусти ҳалқа йўли» номи билан танилган йўналиши фаолиятини тўлиқ тиклади.

      Ҳозирда йўналишда 12 та ҳаракат таркиби йўловчиларга хизмат кўрсатмоқда. Поездлар орасидаги интервал 7 дақиқани ташкил этмоқда. Бу жамоат транспортида тезлик ва мунтазамликни таъминлашга хизмат қилмоқда.

      Йўналишдаги техник синовлар давомида поездлар ҳаракатини барқарорлаштириш, сигнализация тизимини янгилаш ва хавфсизлик талабларини кучайтириш ишлари амалга оширилди.

      Йўналиш бекатларининг иккитаси 8 июндан, яна олтитаси 28 июндан, қолган бекатлар эса 2 августдан вақтинча ёпилган эди. Бутун йўналиш тахминан икки ой, айрим бекатлар эса уч ойдан зиёд фаолият кўрсатмаган.