Меҳрибонлик уйи тарбияланувчиларига қувонч улашилди

Меҳрибонлик уйи тарбияланувчиларига қувонч улашилди

Тарихдан маълумки, дунёда ҳеч бир халқ ёки миллат ҳаёт синовларидан, тақдирнинг кутилмаган зарбаларидан холи эмас. Нафақат мамлакатимиз, балки жаҳон миқёсида ҳам нисбатан серталофат кечаётган пандемия шароитида халқимиз кўплаб оғир синовларни бошидан ўтказмоқда.

Давлатимиз раҳбари томонидан бу хасталикнинг оқибатларини бартараф этиш ва уларнинг таъсирини юмшатишга қаратилган ташаббусларнинг ўз вақтида илгари сурилгани муҳим аҳамият касб этмоқда. Зотан, синовли дамлар давлат ва халқни энг олий мақсадлар йўлида янада жипслаштирди. Ҳар бир фуқаро давлатимиз ҳимоясида эканини яна бир бор намоён бўлди.

Муҳтарам Президентимиз ташаббуслари билан бошланган хайру саховат тадбирлари Самарқанд вилоятида ҳам жадал давом этмоқда. Айниқса, “Вақф” хайрия жамоат фонди томонидан кам таъминланган оилаларга, боқувчисини йўқотганларга ва етимларга озиқ-овқат маҳсулотлари берилиб, уларга алоҳида ғамхўрлик кўрсатилаётгани барчанинг кўнглини тоғдек кўтармоқда.

Муфтий Усмонхон Алимов ҳазратлари Самарқанд шаҳрида жойлашган 1-сонли меҳрибонлик уйида болалар холидан хабар олиб, уларнинг кўнггилларини кўтардилар. Шунингдек, ушбу ижтимоий муассасага хўжалик жиҳозлари етказилиб, ош дастурхонлари ёзилди.

Ўзбекистон мусулмонлари идораси Матбуот хизмати