Кошинкорлик лойиҳалари таҳлили

Кошинкорлик лойиҳалари таҳлили

Тошкентда бунёд этилаётган Ўзбекистондаги Ислом цивилизацияси маркази қурилишида пардозлаш ишларига киришиш тобора яқинлашмоқда. Шунинг учун  Марказ биносининг ташқи ва ички безак ишларида халқ амалий санъати ва ҳунармандчилик намуналарини қўллаш бўйича мувофиқлаштирувчи гуруҳининг навбатдаги  мажлисида кошинкорлик ишлари намуналари лойиҳаларининг таҳлили бўлиб ўтди.

Йиғилишда Марказ биносининг олд қисмига “Тошкент бадиий керамика экспериментал комбинати” масъулияти чекланган жамият, “Ижод-ижод” хусусий корхонаси ва  “Мамажонов”  корхонаси  томонидан ишланган кошинкорлик ишларининг намуналари таҳлил этилди.

Мазкур таҳлил натижалари бўйича   уста-ҳунармандлар томонидан тақдим этилган лойиҳалар эскизлари сараланиб, бадиий кенгаш муҳокамасига тақдим этиш учун бино олд қимидаги ёпиқ равоқларига ўрнатиш учун кошинкорлик намуналари  янада такомиллаштирилади. 

Х.Шукуров