Ислом оламининг қадимий кутубхоналари

Ислом оламининг қадимий кутубхоналари

Ислом оламида гўзал меъморчилик  ва бой китоблар тўпламини бирлаштирган ноёб  кутубхоналар мавжуддир. Улардан бири - Марокашнинг Фес шаҳридаги ал-Қаровиййин масжиди ва университет мажмуасининг бир қисмидир. Ал-Қаровиййин Фотима ал-Фиҳрий томонидан 859 йилда ташкил этилган кутубхонадир.

Ҳозирда мажмуа кутубхонасида 4000 та ноёб китоб ва қўлёзмалар мавжуд. Шу боис ҳам бу дунёдаги энг кекса кутубхонага айланган. Китобларни сақлаш учун биринчи махсус қурилган бино 1349 йилда Маринидлар сулоласининг султони Абу Инан Фарис томонидан масжидга қўшилган. Кейинчалик кутубхона XVI аср охирида Аҳмад ибн Мансур томонидан қурилган бинога кўчирилган. Кейинчалик у бир неча бор кенгайтирилган.

Қадимги дунёнинг рамзларидан бири бўлган Искандария кутубхонасини замонавий даврда қайта тиклаш ғояси биринчи марта 1974 йилда илгари сурилган. 1980 йилларнинг охирида ЮНЕСКО ва халқаро ҳамжамият иштирокида бу боради қатор ишлар амалга оширилди ва лойиҳа ишлаб чиқилди. 2002 йилда эса Искандария асл кутубхонанинг ёдгорлиги ва маданият марказига айланди. Ҳозирда у 8 миллион хазина (китоб)га эга. Мажмуа тўртта музей ва планетарийни ҳамда бошқа замонавий қулайликларни ўз ичига олади.

Қирол Абдулазиз номидаги жаҳон маданияти маркази кутубхонаси 2018 йилда Даҳранда очилган. Унинг мақсади театр, кино, музей ва минтақадаги энг катта ва замонавийларидан бири бўлган кутубхонани ўз ичига олган. Шунингдек, турли тадбирлар ва иншоотлар орқали истеъдодларни рағбатлантириш ҳамда минтақада инсон салоҳиятини ривожлантиришга кўмаклашишдир. Бу ерда семинарлар ва йиғилишлар, китобхонлик тадбирлари ўтказилади.