Ғурумсарой кулолчилиги

Ғурумсарой кулолчилиги

Кулолчилик – халқ амалий санъати дурдоналаридан бўлиб, унинг тарихи узоқ ўтмишга бориб тақалади.

 Мамлакатимизда кулолчиликнинг ҳар бир ҳудудга хос мактаби шаклланган. Қадим анъаналарга эга Ғурумсарой кулолчилиги мактаби бугун қайта жонланган.

“Кўза”, “Хум”, “Баркаш”, “Қўшқулоқ”, “Нимчарх”, “Пиёла”, “Қаймоқдон”, “Бурама коса”, “Шокоса”, “Дамтовоқ” каби уй-рўзғор ҳамда ёдгорлик буюмларида қўлланилган нақшлар қадимий миллий услубда яратилган Ғурумсарой кулолчилиги намуналаридир.

Ғурумсарой кулолчилиги санъатининг ўзига хос бўлган барча услублари ҳозирда уста кулоллар томонидан кенг қўлланилади.  Ушбу мактабда асосан табиий хомашё ва ранглардан фойдаланилган ҳолда иш бажарилади. Буюмларга нақш беришда асосан гуллар ва геометрик шакллар ишлатилади. Хусусан, идишлар нақшида гулларнинг “Чорбарг”, “Гажжаклар”, “Туя кўз”, “Бодомча”, “Ларзана”, “Илон йўли” каби намуналари кўп учрайди.