АҚШнинг Индиана университети профессори - онлайн семинарнинг меҳмони

АҚШнинг Индиана университети профессори - онлайн семинарнинг меҳмони

             Имом Бухорий халқаро илмий-тадқиқот маркази коронавирус пандемияси шароитида туркум онлайн семинарлари ташкил этмоқда.   Навбатдаги он-лайн семинарда  “Исломшунослик тадқиқотлари учун манбалар ва библиографик қўлланмалар”  мавзуи муҳокама қилинди.

Бу онлайн семинарининг  меҳмони АҚШнинг Индиана университети библиограф-профессори, ўзбекистонлик доктор Акрам Ҳабибуллаев бўлди. Олим анжуманда исломшуносликка оид инглиз тилидаги электрон қўлланмалар, энциклопедиялар, луғатлар ва тўлиқ матнли маълумотлар базалари, библиографик кўрсаткичлар, рақамлаштирилган қўлёзмалар, нодир китоблар ва архив ҳужжатлари тўғрисида, улар билан ишлашда АҚШ олий таълим муассасалари ва илмий марказлари тажрибаси ҳақида сўзлади. WorldCat ва Brill сингари тизимлар мисолида улардан қандай фойдаланиш мумкинлиги, билим ва алмашиш имкониятлари хусусида тўплаган тажрибасини баён қилди.

Акрам Ҳабибуллаев электрон ҳужжатлар базалари ва уларнинг ишлаш функциялари, афзалликлари фикр юритар экан, дунё кутубхона фондларидаги мавжуд қўлёзма ва тошбосма манбалар катологларини тузиш ва электронлаштиришни бугун замоннинг ўзи талаб қилаётганини таъкидлади. Зеро, бугунги ахборот асрида илмий тадқиқотлар ўтказиш ва уларнинг самарадорлигини оширишда бундай ресурс ғоят муҳим ўрин тутади.

Имом Бухорий халқаро илмий-тадқиқот маркази

Матбуот хизмати