Фарғонада биринчи тинчлик форуми

Фарғонада биринчи тинчлик форуми

       Биринчи тинчлик форумига водий марказига қирққа яқин давлатдан бир неча юз нафар сиёсатчи, халқаро ташкилот раҳбари ва вакиллари, олимлар, халқаро экспертлар етиб келдилар. Улар минтақада халқаро бирдамлик, ҳамкорлик ва барқарор тинчликни қарор топтириш масалаларини муҳокама қиладилар.

       Мазкур нуфузли форум меҳмонлари бўлган Марказий Осиё, Европа ва Америкадан келган иштирокчилар мулоқот, ишонч ва яхши қўшничиликни мустаҳкамлаш, тинчлик ва тараққиётга хизмат қиладиган ҳамкорлик платформасини яратишмоқчи.

       Шу муносабат билан бу йил илк бор “Бирдамлик куни – Интимак куни” ҳам нишонланади.

       форум иштирокчилари Риштон туманидаги машҳур кулолчилик марказларидан бири – “Мингбоши керамик” музейига ташриф буюришди. Меҳмонлар Риштон кулолчилигининг бой тарихи, юксак анъаналари ва миллий услубда яратилган керамика буюмлари билан яқиндан танишдилар.