Янги Ўзбекистон замонавий транспорт инфратузилмаси
Янги Ўзбекистон замонавий транспорт инфратузилмаси
Бугун юртимизда барпо этилаётган замонавий аэропортлар, юқори тезликда ҳаракатланувчи поездлар, кенгайиб бораётган метро тармоқлари ва такомиллаштирилаётган автомобиль йўллари янги Ўзбекистон тараққиётининг муҳим кўрсаткичларига айланмоқда. Бироқ, ҳар қандай ислоҳотнинг ҳақиқий самараси фақат қурилган иншоотлар ёки яратилган имкониятлар билан эмас, балки уларнинг қонунийлиги, хавфсизлиги ва халқ манфаатларига хизмат қилиши билан белгиланади.
Маълумотларга кўра, мамлакатимиз хизматлар соҳасида транспорт тармоғининг улуши 11 фоизни ташкил этади. Авиация бозорининг эркинлаштирилиши ва хусусий секторнинг соҳага кириб келиши натижасида резидент авиакомпаниялар сони 3 тадан 16 тага, ҳаво кемалари сони эса 54 тадан 107 тага етказилди. Сўнгги уч йилда авиайўналишлар сони 78 тадан 206 тага, авиақатновлар сони 64 мингтадан 130 мингтага, йўловчилар сони эса 8 миллион нафардан 15,5 миллион (ўн беш миллион беш юз минг) нафарга етказилган. Бу кўрсаткичлар авиация хизматларига бўлган талаб ортиб бораётгани ва мамлакатимизнинг транспорт имкониятлари кенгаяётганини кўрсатади.
