Ўзбекистоннинг археологик хазиналари
Ўзбекистоннинг археологик хазиналари
2023 йил 4 май кунидан бошлаб Берлин шаҳрида ташкил этилган “Ўзбекистоннинг археологик хазиналари. Македониялик Искандардан Кушонлар салтанатигача” номли кўргазма ниҳоясига етди, деб хабар беради ЎзА.
Европа жамоатчилиги эътиборига милоддан аввалги IV асрнинг иккинчи ярмида македониялик Искандар ҳукмронлигидан Кушонлар ҳукмронлигининг охиригача бўлган даврга мансуб археологик топилмалар ҳавола қилинди.
Кўргазма икки маскан – Жеймс Симон галереяси ва Берлиндаги Янги музейда намойиш этилган. Ўзбекистон Маданият ва санъатни ривожлантириш жамғармаси хабарига кўра, кўргазмага 580 мингдан зиёд санъат ихлосмандлари ташриф буюрган.
