Ўзбекистоннинг 3 та маданий мероси ЮНЕСКО рўйхатига киритилди

Ўзбекистоннинг 3 та маданий мероси ЮНЕСКО рўйхатига киритилди

ЮНЕСКО Ҳукуматлараро қўмитасининг 18-сессиясида Ўзбекистондан учта номинация инсониятнинг номоддий маданий мероси репрезентатив рўйхатига киритилди.

“Ўзбекистон кулолчилик санъати” номинацияси комиссия аъзолари томонидан юқори баҳоланган. Бу эса ҳунармандчиликнинг чуқур тарихга эгалиги, кулолчилик соҳасидаги билимларнинг авлоддан-авлодга ўтиб келаётганидан, уни асраб-авайлашда ёшлар фаол иштирок этаётганидан далолат беради.

“Кулолчилик Ўзбекистоннинг энг қадимий ва ноёб халқ амалий санъати саналади. Риштон, Бухоро, Гурумсарой, Тошкент, Хоразм, Самарқанд, Қашқадарё каби кулолчилик мактаблари кулолчиликнинг асосий марказларига айланди. Улар бир-биридан маҳсулот ясалиши, нақшлари, ранги ва шакллари билан ажралиб туради”, – дейди ЮНЕСКО фонди вакиллари.

Маълумки, ЮНЕСКО Бош конференсиясининг 2025 йилги сессияси Самарқандда бўлиб ўтади.