Саудия Арабистони умра зиёрати учун талабларни эълон қилди

Саудия Арабистони умра зиёрати учун талабларни эълон қилди

10 августдан хорижлик зиёратчилар умра ибодатига боришлари мумкин. Муқаддас шаҳарга ташриф буюришни истаган мусулмонлар қиролликда тасдиқланган Pfizer, Moderna, Johnson& Johnson, AstraZeneca вакциналари билан тўлиқ эмланган бўлиши лозим.

Хитой вакцинаси билан тўлиқ эмланганлар юқоридаги тўртта вакцинадан ҳеч бўлмаганда бир доза олинган бўлиши шарт. Вакцина олмаган зиёратчилар келгандан кейин карантиндан ўтиб, кейин коронавирус учун қайта ПЦР тестини топширишлари лозим.

Шунингдек, Ҳиндистон, Покистон, Индонезия, Миср, Туркия, Аргентина, Бразилия, Жанубий Африка ва Ливан каби 9 давлатдан ташқари барча мамлакатларга тўғридан-тўғри рейсларни юборишга рухсат берилади. Мазкур тўққиз давлатдан келувчи зиёратчилар Саудияга киришдан олдин учинчи давлатда 14 кунлик карантинда бўлиши талаб қилинади.

Умра зиёратига 18 ёшдан катталарга рухсат берилади. Айни пайтда, умра мавсуми очилиши арафасида Масжидул Ҳарам дезинфекция қилинмоқда.

Шунингдек, зиёратчиларнинг хавфсизлиги ва талабини таъминлаш учун кириш ва чиқишни тартибга солиш, махсус эҳтиёжлари бўлган одамлар учун ўтиш йўлларини ажратиш ҳамда Замзам сув идишларини намоз ўқиладиган жойларга, ҳовлиларга ва тавоф жойларига тарқатиш тартиблари ўрнатилган.