«Шарафли йўл» видеороликлар кўрик-танлови
«Шарафли йўл» видеороликлар кўрик-танлови
Ўзбекистон Журналистлар уюшмаси томонидан ёш ижодкорлар ўртасида «Шарафли йўл» видеороликлар кўрик-танлови ташкил этилди.
Танлов учта йўналиш бўйича ўтказилди: профессионал ижодкорлар учун «Энг яхши видеоролик», «Сунъий интеллект ёрдамида яратилган энг яхши видеоролик» ҳамда «Мобилография асосида яратилган энг яхши видеоролик». Унда 18 ёшдан 30 ёшгача бўлган ёш журналистлар ва блогерлар ўз ижодий ишлари билан иштирок этди.
«Шарафли йўл» кўрик-танлови ҳақидаги илк эълондан сўнг ижодий ишлар 2026 йил 28 августга қадар қабул қилинди. Шу давр мобайнида иштирокчилар томонидан турли мавзуларда, замонавий ёндашув ва креатив ғояларга асосланган видеороликлар тақдим этилди. Танлов жараёни, эълонлар ва муҳим босқичлар Ўзбекистон Журналистлар уюшмасининг расмий Telegram канали орқали мунтазам ёритиб борилди.
Кўрик-танлов ғолиблари аниқланиб, уларнинг ижодий ишлари муносиб эътироф этилди. Тантанали тақдирлаш маросимида ғолибларга белгиланган совғалар ва эсдалик мукофотлари топширилди.
«Шарафли йўл» видеороликлар кўрик-танлови ёш журналистлар ва блогерларнинг ижодий салоҳиятини қўллаб-қувватлаш, уларни замонавий медиа имкониятларидан самарали фойдаланишга рағбатлантириш ва журналистиканинг янги авлодини шакллантириш йўлидаги муҳим ташаббуслардан бири бўлди.
