Самарқандда жамоат транспортида нақд тўловдан воз кечилди

Самарқандда жамоат транспортида нақд тўловдан воз кечилди

Самарқанд шаҳрида 1 майдан жамоат транспортида нақд пул орқали тўловдан тўлиқ воз кечилди.

Энди автобус, электробус ва трамвайларда йўлкира фақат банк картаси, АТТО транспорт картаси, илова ҳамда QR-кодли чипта орқали тўланади.

 Қабул қилинган қарорга кўра, 1 майдан йўлкира ҳақи қуйидагича белгиланган:

- нақд пул (QR-кодли чипта) орқали тўланганда – 4 000 сўм;

- транспорт ёки банк картаси орқали тўланганда – 2 000 сўм.

Sputnik мухбирининг хабар беришича электробус ҳайдовчилари вақтинчалик истисно тариқасида йўлкирани банк картаси ёки QR-код орқали тўлаш имкони бўлмаган йўловчиларни бепул ташимоқда.