Лондонда тилла суви югуртирилган Қуръон қўлёзмаси кимошди савдосига қўйилди

Лондонда тилла суви югуртирилган Қуръон қўлёзмаси кимошди савдосига қўйилди

Лондонда тилла суви югуртирилган саҳифали Қуръон қўлёзмаси кимошди савдосига қўйилди.

Хитой дарахтлари ва табиат расмлари билан тилла суви югуртирилган саҳифаларга эга бўлган бу нафосатли Қуръон аслида Эрондаги Темурийлар салтанати ва Хитойда Минг империяси ўртасидаги дипломатик алоқалардан далолат беради.

Қуръон Хитойдан импорт қилинган қоғозга ёзилган; чунки Эрон ва Хитой амалдорлари ўртасида дипломатик ташрифлар пайтида ҳар икки мамлакат элчилари ўз мамлакатларига ипак, кулолчилик ва қоғоз каби товарлар олиб келишган, нафис Хитой қоғозлари қўлёзмалар ёзиладиган ашёлардан бири эди.

Бу қимматли Қуръон саҳифаларининг ранги бинафшаранг, тўқ сариқ, кўк, қизил ва яшил рангдадир, чунки ўша давр қўлёзмаларида рангли қоғозлардан фойдаланиш Ислом оламида кенг тарқалган амалиёт эди.
Қуръоннинг бу нафосатли нусхаси Қуръон оятларининг махсус қоғозга ёзилганлиги билан ажралиб туради ва у анча жилоланиб, ипак саҳифаларига тегиб кетгандек бўлади. Ўша пайтларда хитойликлар катта ҳажмдаги қўлёзмаларни ёзиш учун бу турдаги қоғозлардан фойдаланишган.