Ислом цивилизацияси маркази гранти асосида амалга оширилаётган яна бир лойиҳа дунё юзини кўрди. Марказ академик Акбар Ҳакимов "Ўзбекистон санъати тарихи" китоб альбомини нашрдан чиқарди. Асарда санътимизнинг энг қадимги дунё босқичидан Янги Ўзбекистон санъати босқичигача босиб ўтган йўли ҳикоя қилинади. Ўзимизда ва дунё музейларида сақланаётган барча халқимиз ва юртимизга тегишли санъат жавоҳирлари тўғрисида илмий-тарихий маълумотлар келтирилган.

Китоб альбом Ислом цивилизацияси маркази музейининг санъат бўлими учун асосий назарий ва амалий қўлланма бўлади. 

Муҳтарам устоз ва Марказимизнинг санъатшунослик бўйича бош маслаҳатчисига янги ижодий ютуқлар тилаймиз.