Ўзсаноатқурилишбанк: 3 та халқаро номинация ғолиби

Ўзсаноатқурилишбанк: 3 та халқаро номинация ғолиби

Лондон шаҳрида бўлиб ўтган “Euromoney Awards for Excellence 2026” халқаро танловининг тақдирлаш маросимида Ўзсаноатқурилишбанк бирданига учта нуфузли номинация бўйича Ўзбекистон банклари орасида ғолиб деб топилди.

Хусусан, Ўзсаноатқурилишбанк “Ўзбекистоннинг энг яхши банки”, “Ўзбекистоннинг энг яхши корпоратив банки” ҳамда “Ўзбекистоннинг ESG соҳасидаги энг яхши банки” каби номинацияларга эга бўлди.

Мазкур мукофотлар SQBнинг барқарор молиявий ўсиши, корпоратив банкингдаги юқори натижалари, халқаро капитал бозорларидаги фаол иштироки ҳамда ESG тамойилларини бизнес жараёнларига самарали татбиқ этаётганининг халқаро даражадаги эътирофи бўлди.

Маълумотларга кўра, 2025 йил якунларига кўра, банкнинг жами активлари 97,2 триллион сўмдан, умумий капитали 10,2 триллион сўмдан ошди. Кредит портфели 71 триллион сўмни, депозитлар ҳажми эса 32,1 триллион сўмни ташкил этди. Соф фойда 1,5 триллион сўмга етиб, ўтган йилга нисбатан 38 фоизга ўсди.