Тошкент тўй оши географик кўрсаткич

Тошкент тўй оши географик кўрсаткич

     Тошкент тўй оши географик кўрсаткич сифатида давлат реэстрига киритилди.

     Географик кўрсаткич — бу интеллектуал мулк объекти бўлиб, маҳсулотнинг ҳудудга тегишлилигини ва унинг ўзига хос хусусиятларининг айнан шу ҳудуд билан боғлиқлигини тасдиқлайди.

     «Тарихий ва этнографик манбаларга кўра, Тошкент воҳасида ош тайёрлаш маданияти асрлар давомида шаклланган. Тўй оши оддий таом эмас, балки кимё, физика ва биология қонуниятлари акс этган мураккаб жараёндир», дейилади хабарда.

     Реестрга киритилиши «Тошкент тўй оши» номи ва анъанавий тайёрлаш технологиясининг ҳуқуқий ҳимоясини таъминлайди.

     Илгари тухум барак, Самарқанд нони, Ғузор тандир гўшти, Чуст пичоқлари ва Ғиждувон кабоблари географик кўрсаткич сифатида рўйхатга олинган.