Озарбайжон Ислом цивилизацияси марказига совға инъом этди

Озарбайжон Ислом цивилизацияси марказига совға инъом этди

Ўзбекистон ва Озарбайжон ўртасидаги тарихий-маданий яқинлик Тошкентда ўтказилган навбатдаги маданий мулоқотда яна бир бор намоён бўлди. Ислом цивилизацияси марказида “Ўзбекистон – Озарбайжон: муштарак мерос, муштарак қадрият” мавзусида тадбир ўтказилиб, қардош давлат томонидан Марказга 150 дан зиёд китоб, миллий мусиқа чолғу асбоблари ҳамда ноёб Қорабоғ гилами тақдим этилди.

Тадбирда иштирок этган Ўзбекистондаги Ҳайдар Алиев номли Озарбайжон маданият маркази директори Акиф Марифли таъкидлашича, халқларимиз маданий яқинлиги асрлар давомида шаклланган. Республикамизда 16 йилдан буён фаолият юритаётган ушбу муассаса билан Ислом цивилизацияси маркази ўртасидаги ҳамкорлик ҳам айни муштаракликнинг амалий ифодасидир.