Марғилонда адабий дўстлик ва китобхонлик байрами
Марғилонда адабий дўстлик ва китобхонлик байрами
Марғилон шаҳрида «Адабий дўстлик – абадий дўстлик» шиори остида халқаро адабиёт ва китобхонлик фестивали ўз ишини бошлади.
Адабиёт ихлосмандлари, шоир ва ёзувчилар, таржимонлар, олимлар, ноширлар ҳамда китобхонларни бир даврага жамлаган мазкур маънавий-маърифий тадбир халқлар ўртасидаги адабий алоқаларни мустаҳкамлаш, миллий адабиётларни кенг тарғиб этиш ва китобхонлик маданиятини юксалтиришга қаратилгани билан аҳамиятлидир. Унинг ишида Россия, Америка, Туркия каби Европа ва Осиёнинг 30 га яқин мамлакатларидан келган ёзувчи ва шоирлар иштирок этмоқда.
Марғилонда бошланган мазкур фестиваль адабиётнинг чегара билмас кучини яна бир бор намоён этиб, қалбларни қалбларга боғлайдиган, халқларни бир-бирига яқинлаштирадиган маънавий кўприк вазифасини ўташи билан аҳамиятлидир.
