Келажакнинг сиёсий иродаси ва миллионлар шижоати
Келажакнинг сиёсий иродаси ва миллионлар шижоати
Мамлакатимизда ёшлар сиёсати қоғозлардаги баландпарвоз режалардан амалий ҳаётга — ҳар бир хонадон ва маҳалла бағрига кўчди. Ҳар бир маҳаллада ташаббускор “Ёшлар етакчиси” корпусининг шакллантирилгани ва ҳар ҳафтанинг пайшанба куни Ёшлар куни сифатида давлат идораларининг бош кун тартибига айлантирилгани тизимнинг тубдан ўзгарганидан далолатдир.
Бу мақсадга нафақат Ёшлар ишлари агентлиги ва Маҳаллалар уюшмаси, балки Давлат хавфсизлик хизмати ва барча вазирликлар тизимли равишда сафарбар этилди. Натижалар эса кўп куттирмади: биргина “Ёшлар дафтари” орқали ҳаётда ўз йўлини топишда қийинчиликка учраган 1,5 миллион нафар йигит-қизнинг муаммоси ҳал этилди.
\ Кўрсатилган юксак ишонч ва яратилган қулай бизнес муҳити эвазига ёш тадбиркорлар сони 5 карра ортиб, 287 минг нафардан ошди. Хорижий тилларни қунт билан ўрганаётган ўғил-қизларимиз сони эса бугун 3,5 миллион нафарга етди. Энг қувонарлиси, тарбияси оғир, эътибордан четда қолган ёшларнинг ҳокимлар ва ҳуқуқ-тартибот идоралари раҳбарларига бириктирилиши натижасида кейинги икки йилда ёшлар ўртасида жиноятчилик 2,5 баробарга камайди.
