Йўллар бўйида пулли автотураргоҳлар

Йўллар бўйида пулли автотураргоҳлар

     Тошкентда илк йўлбўйи пулли автотураргоҳлар синов тарзида ишга туширилди. Ҳозирча уларнинг сони 86 та, сиғими 13–14 минг ўринли. Улар махсус белги – тўқ сариқ фонда қора рангдаги катта «P» ҳарфи билан ажратилган.

     Пулли автотураргоҳлардан бири Амир Темур хиёбони атрофида жойлашган бўлиб, махсус белги – тўқ сариқ фонда қора ранг билан катта «P» ҳарфи тасвирланган. Унинг нархи соатига 12 минг сўмни ташкил этади, тўламаганлик учун жарима кўзда тутилган.

     Автотураргоҳ учун тўловларни Poytaxt Parking иловаси орқали онлайн ёки Paynet терминаллари орқали нақд пулда амалга ошириш мумкин. Қайд этилишича, App Store ва Google Play дўконларидан бундай илова топилмаган. Мобил иловани ишлаб чиқиш билан пулли «парковка» ташкил этиш ҳуқуқини қўлга киритган Streetpark Systems компанияси шуғулланган.

     Тўловларни назорат қилиш махсус планшетлар ва автомобиллар билан жойларда текширувчи видеокузатув камералари ёрдамида амалга оширилади. Тўлов қилмаганлик учун маъмурий жавобгарлик фақат 2026 йилдан жорий этилиши мумкин.