Ислом цивилизацияси маркази - Ўзбекистоннинг жаҳон маданий саҳнасига қайтиши рамзи
Ислом цивилизацияси маркази - Ўзбекистоннинг жаҳон маданий саҳнасига қайтиши рамзи
"Российская газета"да эълон қилирган ўзбек сиёсатшуносининг мақоласида Ўзбекистонда кечаётган ислоҳотларнинг асосида Президент Шавкат Мирзиёевнинг ислоҳотчи энергияси ётганлиги таъкидланади.. Муаллифнинг қайд этишича, давлат раҳбари фақатгина ижтимоий-иқтисодий ўзгаришларга эмас, балки маънавий қадриятларни тиклаш, миллий ифтихорни мустаҳкамлаш ва маданий меросни асраб-авайлашга ҳам алоҳида эътибор қаратмоқда.
Шу билан бирга, нашрда Президент ташаббуси билан барпо этилаётган Ислом цивилизацияси маркази Ўзбекистоннинг жаҳон маданий саҳнасига қайтиши рамзи сифатида баҳоланган.
Муаллиф яқин ўтмиш ҳақида фикр юритар экан, аждодларимиз киму, бу дунёда жойимиз қаерда бўлганини унутиб қўйганимиз, энг аламлиси, замонавий дунё саҳнидаги маданий ва тарихий ўрнимиз қумга сингган сувдай «йўқолиб» қолганини таъкидлайди.
Бугун эса Ўзбекистон қандай йўлга кирганини ва бу ерда нималар бўлаётганини барча кўриб, ҳис қилиб турганига ишонишини билдиради.
Узоқ йиллар кўп балоларни бошидан кечиришга мажбур бўлган бу юрт ва унинг халқи эндиликда нафақат мамлакат суверенитетини мустаҳкамлаш, балки унуттирилган ва бағридан юлиб олинган улуғ ўтмиш хотираси, маданияти ва аждодлари меросини тиклаш ҳамда бу шарафли ҳаракат ўлароқ ўз кимлигини топишга, маънавий янгиланишга бел боғладган.
