Давлат бюджетини тузиш ва ижро этиш тартиби такомиллаштирилди

Давлат бюджетини тузиш ва ижро этиш тартиби такомиллаштирилди

Адлия вазирлиги Ўзбекистон Республикаси Давлат бюджетини тузиш ва ижро этиш қоидаларига ўзгартириш ва қўшимчалар киритиш ҳақидаги идоравий ҳужжатни (рўйхат рақами 3558-5, 27.07.2026 й.) давлат рўйхатидан ўтказди.  

Мазкур ўзгартиришлар Бюджет кодексига киритилган нормалар асосида ишлаб чиқилган бўлиб, унга кўра:  

маҳаллий бюджетларни режалаштиришда маҳаллий давлат ҳокимияти вакиллик органларининг роли кучайтирилиб, даромадлар прогнози, харажатларнинг дастлабки миқдорлари ва бюджетлараро трансфертлар бўйича таклифларни шакллантиришдаги вазифалари белгиланди; 

бюджет сўровларидаги асоссиз ёки самарадорлиги паст харажатларни қисқартириш механизми жорий этилди.

Тегишли ташкилотлар билдиришнома олганидан кейин 3 иш куни ичида янгиланган бюджет сўровини тақдим этади;  

бюджет маблағларини тақсимловчиларнинг ривожлантириш дастурлари камида 3 йилга тузилиб, уларда аниқ натижа кўрсаткичлари ва кутилаётган ижтимоий-иқтисодий самарадорлик белгиланади;  

маҳаллий бюджетларга бюджет ссудаси ажратиш тўғрисидаги талабнома 5 иш куни ичида кўриб чиқилади.

Натижаси бўйича аризачига 1 иш куни ичида хабар берилади;  

давлат молияси барқарорлигини баҳолаш учун умумий фискал балансни шакллантириш ва ҳисоблаш тартиби белгиланди.  

Мазкур ўзгартиришлар бюджет маблағларидан самарали ва мақсадли фойдаланишга хизмат қилади.