БМТ Болалар жамғармаси (ЮНИСЕФ)нинг минтақавий директори билан учрашди

БМТ Болалар жамғармаси (ЮНИСЕФ)нинг минтақавий директори билан учрашди

Олий Мажлис Сенати Раиси Танзила Норбоева БМТ Болалар жамғармаси (ЮНИСЕФ)нинг минтақавий директори Эдуард Бейгбедер билан учрашди.

Учрашувда Ўзбекистон ва ЮНИСЕФ ўртасида болалар ҳуқуқларини ҳимоя қилиш, уларнинг фаровонлигини таъминлаш ҳамда ҳар бир бола учун муносиб шароитлар яратиш борасидаги ҳамкорликнинг устувор йўналишлари муҳокама қилинди.

Президент Шавкат Мирзиёев раҳбарлигида мамлакатимизда болалар ҳуқуқларининг конституциявий кафолатларини мустаҳкамлаш борасида кенг кўламли ислоҳотлар амалга оширилаёгани қайд этилди. Бу жараёнда ЮНИСЕФ билан йўлга қўйилган изчил ҳамкорлик ўз самарасини бермоқда.

Ўзаро мулоқотда болалар манфаатларига оид қонунчилик ҳужжатлари, жумладан, “Болаларни зўравонликнинг барча шаклларидан ҳимоя қилиш тўғрисида”ги қонуннинг аҳамияти, ижроси таъминланаётганига эътибор қаратилди.

Мазкур йўналишлардаги ҳамкорликни ЮНИСЕФнинг 2026 - 2030 йилларга мўлжалланган дастурига уйғунлаштириш, белгиланган вазифалар ижросини таъминлаш ва амалий ҳамкорликни янада мустаҳкамлашга келишиб олинди.