Ҳаётга қайтаётган қадимий мерос

Ҳаётга қайтаётган қадимий мерос

Маълумки юртимизда ҳунармандчилик қадимдан тараққий топган. Жумладан, кулолчилик, ёғоч ўймакорлиги, ганчкорлик, тўқимачилик, заргарлик, зардўзлик, созгарлик, кандакорлик каби бошқа ўнлаб ҳунарлар элнинг турмуш тарзини белгилаган.

Ҳунармандчилик юртимизнинг қадимий тарихи ва табиий манзаралари каби жуда бой ва хилма-хил.

Кулолчилик – азалдан кулолчилик иши одамларни энг ўзига хос ҳунари деб ҳисобланар эди. Бугунги кунда ҳам Ўзбекистоннинг шаҳар ва қишлоқларида машҳур кулолчилик устахоналари ишламоқда.

Гиламдўзлик – қадимий халқ гиламдўзлик анъаналари кўп авлодларнинг ихтирочилик уринишлар натижасида ривожланиб, ниҳоятда узоқ ва кенг илдизларга эга. Қишлоқ жойларида асосан аёллар томонидан уйда тўқилган гиламлар оддий, лекин мукаммал техникада ишлаб чиқилганлигини англатади, шу тариқа ранглар, шакллар, нозик нақш комбинациялари ва ижодий безакларни мукаммал ёрқинлигини намойиш этмоқдалар.

Ёғоч ўймакорлиги – ёғоч ўймакорлигининг шуҳрати Ўзбекистонда ҳеч қачон сусаймаган. Ўсимликларга оид нақш ва арабескалар, шунингдек “Мутлақ чексизлик” номли орнаментал техникаси орқали ҳар қандай юзани безаш анъанавий ёғоч ўймакорлик санъатининг энг машҳур туридир. Ўймакорликда кўпроқ чинор, тут, ёнғоқ, қайрағоч, олча ёки ўрикдан фойдаланилар эди.

Бугунги кунда Ўзбекистонда ҳунармандлар томонидан ишлаб чиқариладиган буюмлар ва товарлар (ишлар, хизматлар) йўналишлари 25тадан 34 тага етди.  Улар “Ҳунарманд” уюшмасига бирлашган.  “Ҳунарманд” уюшмасининг мамлакат ҳудудларида 13 та вилоят бошқармаси ва 92 та бўлимлари мавжуд бўлиб, уюшма аъзолари сони 20 761 нафарни ташкил этади. Ҳозирда улар ички ва ташқи бозор учун маҳсулотлар ишлаб чиқаришмоқда. Бу маҳсулотлар ўзининг сифати, бадиий жиҳатдан юксаклиги, табиийлиги ва миллий ўзлигимиз, тарихий анъаналаримизни ўзида уйғунлаштиргани билан ҳам аҳамиятлидир.