58-Халқаро кимё олимпиадаси якунланди

58-Халқаро кимё олимпиадаси якунланди

Марказий Осиё давлатлари тарихида илк бор Ўзбекистон мезбонлик қилган мазкур олимпиадада дунёнинг 94 давлатидан келган қарийб 1 000 нафар ўқувчи, жамоа раҳбарлари, Халқаро илмий қўмита аъзолари, кузатувчилар ва хорижий меҳмонлар қатнашди.

58-Халқаро кимё олимпиадаси синовлари икки босқич — амалий ва назарий йўналишларда ташкил этилди.

Иштирокчилар бир ҳафта давомида амалий ва назарий синовларда ўз билимларини намойиш этди. Шунингдек, улар мамлакатимизнинг диққатга сазовор тарихий ва маданий обидалари билан танишди.

Белгиланган тартибга мувофиқ, амалий имтиҳон учун максимал 40 балл, назарий имтиҳон учун эса максимал 60 балл ажратилди. Шу тариқа умумий натижа 100 баллни ташкил этди.

Олимпиада якунларига кўра, кўплаб иштирокчилар рағбатлантирувчи дипломларга сазовор бўлди. Шунингдек, 112 нафар иштирокчи бронза, 74 нафари кумуш ва 41 нафари олтин медаль билан тақдирланди.

Ўзбекистонда ўтказилган IChO–2026 — 58-Халқаро кимё олимпиадаси нафақат кимё фанининг энг иқтидорли билимдонларини аниқлади, балки ёш олимларни янги ғоялар, илмий изланишлар ва юксак кашфиётлар сари илҳомлантирувчи нуфузли халқаро майдон сифатида ҳам тарихда муносиб ўрин эгаллади.